شعور فرد ألتراس أو نصف ألتراس

طبعأ ده بينطبق على بعض أفراد الألتراس فقط خاصة مجموعة النواة أو من تحملو أو حملوا المسؤؤلية مش كلهم :
"
تحملت الكثير و الكثير تخيلت أنه من أجل النادى.....مسؤولية بلا حدود بدون مساندة حقيقية عشقاً و حباً للكيان
قالوا من أربع سنين ألتراس و لم أكن أعرف ما هو الألتراس .....و مشيت ورا الكلام
المبادىء شوية إتعلمتها و شوية جبتها من عالنت ......عرفت انه إسلوب حياة بتتولد بى أو بتكتسبه
مفكرتش و لا كان عندى شخصية تقول لأ .....و لما كان بيحاول حد بوجهنى كنت بسمع صوت دماغى و بس

لكنى بشر بغلط.....و كل ما أغلط الناس تنفخ فية و تعظمنى و حتى لو حد نقدنى مبسمعهمش و أكدب ودانى أو أطنش
ساعات بسأل نفسى عليا من ده كله بايه و ابقى عايذ اخلع.....بس لما أشوف الناس بتقول عليا ايه بسخن تانى
بقول كلام كتير من غير ما افكر في و لا يكون لى علاقة بعقلية و مبادىء بخترع و خلاص ....لحد ما اروح فى داهية و اودى غيرى فى داهية .......و ابتدى أفكر هعمل ايه دلوقتى؟؟؟؟.......أصل تونس كانت بتعمل كدة أو فى أوروبا عملوا كدة

يلا خلينا نسخنها و نشوف رايحة فين ناس هتموت و تتحبس ......و بعدين يقولولى يابنى انت فاكر اللى بتعملوا ده ألتراس و لا عقلية
أقولهم من النهاردة مفيش ألتراس أنا الألتراس.....إياكش تولع.....الحرب بدأت على اللماليم و الحكومة و الجرايد و الميديا و جيرانها و جيران الجيران .......هيا خربت أساساً
"
مرة أخرى ده تخيل لتفكير بعض الأعضاء و ليس مسلم به........

من الأول قلنا أى حاجة فى فكر الألتراس هتتعارض مع عاداتنا و أخلاقنا و عقيدتنا و أديانا مش هنطبقها .....لكن الله يسامحوا الإنترنت و اليوتيوب

إن الله لا يغير ما بقوم حتى يغيروا ما بأنفسهم
إضافة أخيرة أرجو عدم توجيه الإتهامات على المحبوسين من جمهور الزمالك مصطفى و أحمد و محمد بدون دلائل قاطعة و أتقوا الله فى الإفتراءات و الإتهامات إذا لم يكن لديكم دليل قاطع...... كما أن الشغب و الهجوم على الأمن لن يؤدى إلا إلى ما هو أسوء......ربنا يفك كرب كل مظلوم و كل ما نطالب به هو العدالة الكاملة والمعاملة الأدمية